ONU apoia Timor-Leste nian objetivu atu sai hanesan nasaun ida ne'ebé saudavel no edukadu, prósperu, ekuitavel no forte liu iha tinan 2030.
ONU foka kona-ba hadi'a kapasidade ema Timor-Leste nian atu halo desizaun no hala'o projetu sira. Harii parseria ho organizasaun sosiedade sivíl sira no organizasaun non-governmental sira, no mós foti finansiamentu husi nasaun sira seluk, hodi kria no implementa projetu hirak ne'e.
ONU nia parseria iha Timor-Leste ohin loron mak trasa iha Enkuadramentu Nasoins Unidas nian ba Asisténsia Dezenvolvimentu tinan 2015-2020 (UNDAF) ba Timor-Leste. UNDAF ne'e hanesan rezultadu husi esforsu ne'ebé hamutuk husi Governu no Nasoens Unidas. Detalle kompletu sira iha: http://www.tl.undp.org/content/dam/timorleste/docs/UNDAF-Revised%2031Jul_signed.pdf
Nasoens Unidas foka liu ba "dezenvolvimentu sustentável", no Nasoens Unidas agora funsiona lahó prezensa ho misaun manutensaun pás ka misaun polítiku.
Atividade ONU hotu-hotu tuir Deklarasaun Universál Direitus Umanus. Karta primeiru asina iha tinan-1948, liutiha Funu Mundiál Daruak. Detalle iha ne'e: http://www.un.org/en/universal-declaration-human-rights/